Oileán é Oileán an Choraintín (Béarla: Ellis Island) atá suite i mBá Uachtarach Nua-Eabhrac (Upper New York Bay) agus é ina lárionad inimirce sna blianta 1892-1954. I rith na mblianta sin tháinig dhá mhilliún déag d'inimirceánaigh go Stáit Aontaithe Mheiriceá trí Oileán an Choraintín.
Sna 19ú haois ar dtús, ní raibh san oileán ach dún agus bunáit le haghaidh longa an chabhlaigh mhíleata.
Triomaíodh cuid mhór de grinneall na mara timpeall ar an oileán sna blianta 1892-1934, agus cuireadh na tailte nua leis an oileán.
Sa bhliain 1965 rinneadh séadchomhartha náisiúnta den oileán in éineacht le Dealbh na Saoirse.
Sa bhliain 1990 cuireadh iarsmalann imirce ar bun san oileán.
Sa bhliain 1998 d'fhoráil Cúirt Uachtarach na Stát Aontaithe gur le Stát New Jersey a bhaineann an chuid is mó den oileán. Ba é an tuiscint a bhí ag na daoine ar feadh na mblianta fada gur cuid de Stát Nua-Eabhrac a bhí san oileán.